O Centro de Atención de Emerxencias 112 Galicia:
Atende e xestiona as chamadas de emerxencia da Comunidade Autónoma de Galicia, recibidas a través o número 112 e avisa aos medios e recursos que interveñen na resolución das emerxencias para garantir a súa coordinación, contando para iso con:
- Procedementos e guías de actuación adaptados e constantemente actualizados para cada tipo de emerxencia
- Colaboración cos diferentes organismos con capacidade de actuación en emerxencias (protección civil, salvamento marítimo, urxencias médicas, …)
- Unha plataforma tecnolóxica acorde coas necesidades do Servizo e preparada para unha evolución continua.
- Recursos humanos necesarios para dar servizo as 24 horas do día os 365 días do ano.
- Certificados de calidade,
O Servizo ten como obxectivo prioritario garantir unha correcta xestión e atención de todas e cada unha das emerxencias atendidas e recibidas na Comunidade Autónoma de Galicia.
Por iso no ano 2003, 29 de outubro, o Centro de Atención de Emerxencias 112 Galicia certifícase en Sistemas de Xestión de Calidade pola norma internacional UNE-NISO 9001.
Esta certificación renóvase periodicamente con resultado CONFORME o que permite realizar un traballo de mellora continua e avanzar cara á excelencia do Servizo.
Este obxectivo de excelencia leva ao Servizo para conseguir en abril do ano 2014 a aprobación da Carta de Servizos Auditada sumándose ao Plan de Mellora da Calidade na Xestión Pública de Galicia, e en abril do ano 2015 a obter o Certificado EENA de calidade estándar para Centros de Emerxencia na UE.
O QUE GARANTE UN RESPOSTA RÁPIDA, EFICIENTE E ADECUADA ANTE CALQUERA EMERXENCIA
A atención telefónica de emerxencias comeza coa chamada ao 112, informando do suceso a un profesional especializado na atención telefónica de emerxencias. Analizada a información facilitada procedese a dar aviso aos medios e recursos competentes.
